´jei jei jei

Svei mér þá ef það er ekki bara kominn tími á skrif. Mikið að gerast hjá mér þessa dagana. Erum búin að kaupa nýja íbúð og selja okkar jei jei jei jei (aðallega jei að vera búin að selja) held það sé komið fínt af Bakkalífinu í bili. Mér skilst að við fáum afhent 15.ágúst, ég er mjög spennt og hef engan tíma í að bíða, vill helst flytja um helgina, en það er svolítið lýsandi fyrir mig, ekki alltaf til í að bíða eftir hlutunum, vill láta þá gerast fljótt. Við fengum kettling í kaupbæti með nýju íbúðinni, sem er bara algjör snilld. Þetta er grá læða og Baldur kallar hana Duddi, veit ekki afhverju. Eyjólfur er aðaleigandi kattarins og bíðum við eftir að hann finni gott nafn á hann. Fórum með Baldur Rökkva í aðgerð í dag, hann fékk rör í eyrun og nefkirtlarnir voru teknir. Ég held að þetta hafi löngu verið orðið tímabært, karlanginn endalaust með kvef og eyrnabólgu. Aðgerðin gekk vel en hann var eftir sig þegar hann vaknaði, en var orðinn hinn hressasti í kvöld. Jæja nóg í bili